هەولێر- ١٠ی کانونی یەکەمی ٢٠١٨ – لە میانەی نمایشکردنێکی قەشەنگی چالاکانە بۆ یادکردنەوەی تێپەربوونی ٧٠ ساڵ بەسەر دەرچوونی جاڕنامەی گەردوونی مافی مرۆڤ ،کۆمەڵێک لە خوێندکاران و چالاکانی مافی مرۆڤ لە بازاڕی دێرینی شاری هەولێر کۆبوونەوە و، چەندین بڵاوکراوەیان بەسەر خەڵکی ناو چایخانەکان و كڕیاران و خاوەن کۆگاکان دابەش کرد . بڵاوکراوەکان دەربارەی ڕۆژی مافی مرۆڤ و گرنگی داواکردنی ئەو مافانە و مافەکانی خەلکی تر بوون .