هەینی, 26 شوبات 2016 03:00

نێرده‌ی نه‌ته‌وه‌ یه‌كگرتووه‌كان ئیدانه‌ی هێرشكردنه‌سه‌ر مزگه‌وتێكی به‌غدا ده‌كات و به‌ كارێكی ترسنۆكانه‌شی ناو ده‌بات

به‌غدا، ٢٦ی شوباتی ٢٠١٦:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش به‌توندی ئیدانه‌ی هێرشه‌كه‌ی رۆژی پێنج شه‌ممه‌ی سه‌ر مزگه‌وتی رسول ئه‌لئه‌عزه‌می به‌غدا ده‌كات.



له‌مباره‌وه‌ به‌ڕێز كوبیش وتی "له‌ راستیدا ئه‌مه‌ هێرشێكی دڕندانه و قێزه‌ونه‌ دژی نوێژخوێنانی ئاشتیویست و مه‌به‌سته‌ روونه‌كه‌ش لێی خوشكردنی ئاگری توندوتیژیی تایه‌فییه‌‌."

ئه‌و هه‌روها وتیشی "من دڵنیام له‌وه‌ی كه‌ خه‌ڵكی ئاشتی خوازی عیراق نه‌ك هه‌ر مل بۆ تیرۆر كه‌چ ناكه‌ن به‌ڵكوو به‌ یه‌كه‌وه‌ هه‌وڵ بۆ ته‌فروتونا كردنیشی ده‌ده‌ن."

ئه‌و زیاتر وتی "من داوا له‌ ده‌سه‌ڵات ده‌كه‌م كه‌ چی له‌ ده‌ستی دێت بۆ په‌لكێشكردنی تاوانباران بۆ به‌رده‌می دادگا بیكات."

ئه‌و سه‌رەخۆشی گه‌رمی خۆشی ئاراسته‌ی خانه‌واده‌ی قوربانییه‌كان ده‌كات و هیوای هه‌رچی زووچاكبوونه‌وه‌ش بۆ برینداره‌كان ده‌خوازێت.

© 2019 United Nations Iraq. هەموو مافەکانى پارێزراوە.