نیویۆرك ٩ی ئابی ٢٠١٤ : سكرتێری گشتی نه‌ته‌وه‌ یه‌كگرتوه‌كان زۆر نیگه‌رانه‌ سه‌باره‌ت به‌ ره‌وشی مرۆیی و ئاسایشی عیراق. نه‌ته‌وه‌ یه‌كگرتوه‌كان و كۆمه‌ڵگه‌ی نێوده‌وڵه‌تییش به‌ چڕی چاودێری پێشهاته‌ سیاسییه‌كانی عیراق ده‌كه‌ن. 

به‌غداد، ١١ی ئابی ٢٠١٤:-  نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكۆلای ملادینۆڤ نیگه‌رانی زۆری خۆی سه‌باره‌ت به‌ پێشهاته‌ سیاسییه‌كانی ئه‌مدواییه‌ی عیراق ده‌رده‌بڕێت و داواشی له‌ سه‌ركرده‌ سیاسییه‌كان كرد كه‌ رێز له‌ به‌رپرسیاریی ده‌ستووری سه‌رۆك كۆمار بگرن. 

به‌غداد، ١١ی ئابی ٢٠١٤:-  ئه‌مڕۆ نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكۆلای ملادینۆڤ و نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ توندوتیژی سێكسی له‌كاتی شه‌ڕدا، خاتو زه‌ینه‌ب هاوا بانگورا وتیان "ئێمه‌ زۆر زۆر نیگه‌رانین سه‌باره‌ت به‌و راپۆرتانه‌ی كه‌ باس له‌ توندوتیژی ده‌كه‌ن، به‌ ئی سێكیشه‌وه‌ ، دژی ژنان و كچان و كوڕانی كه‌مینه‌كانی عیراق ". 

به‌غداد، ١٠ی ئابی ٢٠١٤:- ئه‌مڕۆ سه‌باره‌ت به‌ لێشاوی ئاواره‌بوونی ئه‌م شه‌ڕانه‌ی دوایی،‌ نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكولای ملادینۆڤ وتی "له‌ ئه‌نجامی شه‌ڕ و پێكدادان له‌ نێوان هێزه‌كانی پێشمه‌رگه‌ و تیرۆریستانی داعش  (ده‌وه‌ڵه‌تی ئیسلامی له‌ عیراق و شام) له‌ باكوری عیراق، سه‌دان هه‌زار خه‌ڵك تووشی ئاواره‌یی و ده‌ربه‌ده‌ری بوون و پێویستیشیان  به‌ یارمه‌تیی به‌په‌له‌ هیه‌‌".  

به‌غداد، ١٤ی ئابی ٢٠١٤:- ئه‌مڕۆ نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكۆلای ملادینۆڤ ده‌ستخۆشی له‌ بڕیاره‌كه‌ی نوری مالیكی كرد بۆ پشتگیریكردنی له‌ بڕیاره‌كه‌ی سه‌رۆك كۆمار فوئاد مه‌عسوم له‌ ده‌ستنیشانكردنی د. حه‌یده‌ر ئه‌لعه‌بادی بۆ پێكهێنانی حكومه‌تی تازه‌. 

نیۆیۆرك  ١٤ی ئابی ٢٠١٤ : سكرتێری گشتی  ده‌ستخۆشی له‌ بڕیاره‌كه‌ی نوری مالیكی سه‌ره‌ك وه‌زیرانی عیراق ده‌كات به‌ كێشانه‌وه‌ی خۆپاڵاوتنی وپشتگیریكردنی له‌ د. حه‌یده‌ر ئه‌لعه‌بادی وه‌ك جێگره‌وه‌یه‌ك. له‌ راستیدا، ئه‌م‌ بڕیاره‌‌ گوڕوتینێكی تر به‌ پرۆسه‌ی پێكهیانانی حكومه‌ت ده‌دات به‌شێوه‌یه‌كی ئاشتییانه‌ له‌چوارچێوه‌ی كاتی ده‌ستوریدا. راگه‌یاندنه‌كه‌ دان به‌وه‌شدا ده‌نێت كه‌ ئه‌م بڕیاره‌ نیشانده‌ری  پابه‌ندیی مالیكی یه‌ بۆ راده‌ستكردنی ده‌سه‌ڵات به‌ شێوه‌یه‌كی ئاشتییانه‌ و رێكوپێك له‌ پێناو به‌رژه‌وه‌ندی وڵاتدا. 

نیۆیۆرك ١١ی ئابی ٢٠١٤ : سكرتێری گشتیی نه‌ته‌وه‌ یه‌كگرتوه‌كان ده‌ستخۆشی له‌ پێكهێنانی حكومه‌ت له‌ عیراق ده‌كات و ستایشی سه‌رۆك كۆماری عیراق، د. فوئاد مه‌عسوم، یش ده‌كات بۆ راسپاردنی د. حه‌یده‌ر ئه‌لعه‌بادی بۆ پێكهێنانی حكومه‌تی تازه‌ به‌گوێره‌ی ده‌ستوری عیراق. ئه‌و هه‌روه‌ها داوای له‌ د. عه‌بادی سه‌رۆك و ه‌زیری ده‌ستنیشانكراویش كرد بۆ پێكهێنانی حكومه‌تێكی بنكه‌فراوان، كه‌ له‌لایه‌ن گشت پێكهاته‌كانی عیراقه‌وه‌ په‌سند بكرێت، به‌گوێره‌ی كاتبه‌ندیی ده‌ستوری.  

به‌غداد، ١١ی ئابی ٢٠١٤:-  ئه‌مڕۆ نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكۆلای ملادینۆڤ ده‌ستخۆشی له‌ بڕیاری سه‌رۆك كۆماری عیراق ، د. فوئاد مه‌عسوم، كرد به‌ ده‌ستنیشانكردنی گه‌وره‌ترین قه‌واره‌ په‌رله‌مانی ، د. حه‌یده‌ر عه‌ببادی ، وه‌ك سه‌رۆك وه‌زیرانی ده‌ستنیشانكراو كه‌ ئێستا ئه‌ركی پێكهێنانی حكومه‌تی پێسپێردراوه‌. 

به‌غداد، ٢٢ی ته‌موزی ٢٠١٤:- دوێنێ نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكۆلای ملادینۆڤ نامه‌یه‌كی بۆ سه‌رۆك جه‌لال تاڵه‌بانی نارد كه‌ تێیدا به‌خێرهاتنه‌وه‌ی به‌ڕێزیانی كردبوو بۆ عیراق  و چاكبوونه‌وه‌ی به‌په‌له‌ و ته‌واویشی بۆ خواستبوو. 

به‌غداد، ٢٦ی ته‌موزی ٢٠١٤:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكولای ملادینۆڤ پیرۆزبایی خۆی ئاراسته‌ی به‌ڕێز فوئاد مه‌عسومی سه‌رۆك كۆماری تازه‌هه‌ڵبژێردراوی عیراق و ئه‌نجومه‌نی نوێنه‌ران و خه‌ڵكی عیراق ده‌كات. 

پەڕەى 67 لەکۆى 68 پەڕەدا
© 2019 United Nations Iraq. هەموو مافەکانى پارێزراوە.