دوو شەممە, 11 تشرینی دووەم 2019 09:36

هه‌نگاوی داهاتوو

به‌غدا، ١٠ی تشرینی دووه‌می ٢٠١٩

له‌ هه‌فته‌كانی رابردوودا، خۆپیشاندان له‌ به‌غدا و چه‌ند پارێزگایه‌كی تری عیراقدا سه‌ریان هه‌ڵدا. داواكارییه‌كانی خۆپیشانده‌ران پرسگه‌لێكی فراوانی له‌خۆگرتبوو وه‌ك گه‌شپێدانی ئابووری و ره‌خساندنی هه‌لی كار و خزمه‌تی گشتیی متمانه‌دار و حوكمێكی بێلایه‌نانه‌ی ژیرانه‌ و كۆتاییهێنان به‌ گه‌نده‌ڵی و ئه‌نجامدانی هه‌ڵبژاردنی بێگه‌رد و ئه‌نجامدانی چاكسازی سیاسی به‌شێوه‌یه‌كی به‌رفراوان به‌ هه‌مواركردنی ده‌ستووریشه‌وه‌.

بەغدا، ٩ی تشرینی دووەمی ٢٠١٩:- لە پێناو زیاتر پەرەدان بە توانای هەوڵەکانی پەیوەست بە دۆزینەوەی ڕاستییەکان لە سەر پێشێلکارییەکان و سوکایەتیکردن بە مافەکانی مرۆڤەوە، بە تایبەتیش ئەوەی پەیوەندی بە خۆپیشاندانەکانی ئێستای عێراقەوە هەیە ، یونامی ئیمێلێکی تایبەتی بۆ هەوڵدان لەسەر پێشێلکارییەکانی مافەکانی مرۆڤ تەرخان کردووە بە ناونیشانی ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

سكرتێری گشتی نیگه‌رانی زۆری خۆی ده‌رده‌بڕێت سه‌باره‌ت به‌ به‌رزبوونه‌وه‌ی ژماره‌ی مردن و برینداربوون له‌ خۆپیشاندانه‌كانی ئێستای عیراقدا. ئه‌و راپۆرتانه‌ش كه‌ باس له‌ به‌كارهێنانی چه‌ك دژی خۆپیشانده‌ران ده‌كه‌ن به‌ ڕاستی مایه‌ی نیگه‌رانین.

به‌غدا، ٥ی تشرینی دووه‌می ٢٠١٩:- یونامی بۆی ده‌ركه‌وتووه‌ كه‌ پێشێلكاریی زه‌قی مافی مرۆڤ و سوكایه‌تی پێكردن له‌ خۆپیشانده‌كانی ئێستای عیراقدا هه‌یه‌ ، كه‌ له ٢٥ی تشرینی یه‌كه‌مه‌وه‌ ده‌ستیان پێكردووه‌ و تائێستاش درێژه‌یان هه‌یه‌. ئه‌مڕۆ دووه‌مین راپۆرتی نوسینگه‌ی مافی مرۆڤی یونامی‌ بڵاوكرایه‌وه‌ كه‌ درێژه‌پێده‌ری راپۆرتی یه‌كه‌مه‌ كه‌ ماوه‌ی خۆپیشانده‌كانی ١-٩ی تشرینی یه‌كه‌می له‌خۆگرتبوو و له‌ ٢٢ی هه‌مان مانگیش بڵاو كرابۆوه‌.

بەغدا، ٣١ی تشرینی یەکەمی 2019 - لەوەتەی خۆپێشاندانەکان لەسەرەتای تشرینی یەکەمدا چەندین ناوچەی عێراقی گرتۆتەوە ، نەتەوە یەکگرتووەکان لەگەڵ ژمارەیەکی بەرفراوانی عێراقییەکان بەشدارە لە دۆزینەوەی چارەسەرییەکان. هەر لە ڕۆژی یەکەمەوە بە بەردەوامی داوای پاراستنی خۆپێشاندەرە ئاشتی خوازەکان و پێویستی جێبەجێکردنی داوا ڕەواکانیشانمان کردووە . ئێمە بەردەوامیشین لە ئیدانەکردنی زیانە گیانییەکان و بریندار لێکەوتنەوە زۆرەکان و هێرشکردنە سەر موڵک و ماڵی گشتی بە توندترین دەستەواژە . هەروەها جەخت دەکەینەوە لەسەر پێویستی چارەسەرکردنی دۆخەکە لە گشت بارەکاندا.

بەغدا، 30 تشرینی یەکەمی 2019 – لە چوارچیوەی کۆششە بەردەوامەکانی بۆ پتەوکردنی گفتوگۆ لە نێوان خۆپێشاندەران و حکومەت ، خاتوو جێنین هێنیس-پلاسخارت نوێنەری تایبەتی سکرتێری گشتی نەتەوە یەکگرتووەکان لە عێراق ، سەردانی ‌گۆڕەپانی تەحریری کرد بۆ گفتوگۆکردن لەگەڵ خەڵکی لەو شوێنەدا .

بەغدا، ٢٩ی تشرینی یەکەمی ٢٠١٩ :- خاتو جینین هێنیس-پلاسخارت، نوێنەری تایبەتیی سکرتێری گشتیی نەتەوە یەکگرتووەکان بۆ عێراق, بە توندترین شێوە ئیدانەی هەڵکشانی ژمارەی مردن و بریندرابوون دەکات لە خۆپیشاندانەکاندا کە ئێستا لە زۆربەی شارەکانی عێراقدا درێژەیان هەیە.

به‌غدا، ٢٦ی تشرینی یه‌كه‌می ٢٠١٩:- وه‌ك وه‌ڵامدانه‌وه‌یه‌ك بۆ شه‌پۆلی ئه‌مدواییه‌ی ناڕه‌زایه‌تییه‌كان، خاتو جینین ‌هێنیس-پلاسخارت، نوێنه‌ری تایبه‌تی سكرتێری گشتی نه‌ته‌وه ‌یه‌كگرتووه‌كان بۆ عیراق، له‌ ناخی دڵه‌وه‌ نیگه‌رانه‌ و ئیدانه‌ی كوشتن و برینداركردنی زیاتر و وێرانكردنی كه‌لوپه‌لی گشتی و تایبه‌ت ده‌كات. ئه‌و نیگه‌رانی زۆری خۆشی ده‌رده‌بڕێت سه‌باره‌ت به‌ هێرشی قه‌واره‌ی چه‌كداره‌كان بۆ سه‌ر سه‌قامگیریی و یه‌كڕیزیی عیراق كه‌ دواجار ده‌بێته‌ مایه‌ی پێشێلكردنی مافی گردبوونه‌وه‌ی ئاشتییانه‌ و داواكارییه‌ ره‌وایه‌كان. "پاراستنی ژیانی خه‌ڵك هه‌رده‌م له‌ ریزی پێشه‌وه‌یه‌. كاری قه‌واره‌ چه‌كداره‌كان له‌ تێكدانی خۆپیشاندانی ئاشتییانه‌ و نه‌هێشتنی متمانه‌ی حكومه‌ت و په‌كخستنی بۆ كاركردن هه‌رگیز مایه‌ی قبوڵ نییه‌ چونكه‌ عیراق هه‌نگاوی گه‌وره‌ی ناوه‌ و له‌تواناشی دا نییه‌ جارێكی تر بكه‌وێته‌وه‌ ناو گێژاوی توندوتیژییه‌وه‌."

بەغدا ، ٢٤ی تشرینی یەکەمی ٢٠١٩ – لە سەروبەندی ئەو خۆپێشاندانەی کە پێشبینی دەکرێت لە چەندین شوێنی عێراق بەڕێوە بچێت خاتوو جێنین هێنیس-پلاسخارت نوێنەری تایبەتی سکرتێری گشتی نەتەوە یەکگرتووەکان لە عێراق داوا لە حکومەت دەکات بە شێوەیەکی ئەرێیانە خۆپێشاندانەکان بە ئاشتی بهێلێتەوە ، لەهەمان چوارچێوەشدا نوێنەری تایبەت داوا لە هێزەکانی ئاسایش و خۆپێشاندەران دەکات بە گوێرەی یاسا رەفتار بکەن.

پێنج شەممە, 24 تشرینی یەکەم 2019 20:12

زیاد بوونی ژمارەی پەنابەرانی سوری لە عێراق

دهۆک ، ٢٤ی تشرینی یەکەمی ٢٠١٩ خاتوو جێنین هێنیس-پلاسخارت نوێنەری تایبەتی سکرتێری گشتی نەتەوە یەکگرتووەکان لە عێراق دوێنێ چوارشەممە ٢٣ی تشرینی یەکەمی ٢٠١٩ سەردانی کەمپی بەردەڕەشی کرد. ئەم کەمپە دەکەوێتە سنووری پارێزگای دهۆک و دووبارە دەرگاکانی کردۆتەوە بۆ میوانداریکردنی ئەو پەنەبارانەی لەسوریاوە دێن.

پەڕەى 1 لەکۆى 69 پەڕەدا